وينك يا كويتي ( طحت ومحد سمى عليك ) :( .. نقاش ( لكم خلق تقرون ؟)

الكويت باريس الخليج ....

الكويت دره الخليج ....

هذه الكويت صل على النبي اهيه ديرتنا وفيها اللي نبي ...

كويت الامن والامان ...

كويت ديره الكرم والخير ...

أنا كويتي أنا قول وفعل وعزومي قويه ... أنا كويتي أنا عند موقفي ...

هذه الكويت سباقه سباقه في كل المحافل الدوليه والعالميه ...

أهل الوفى والطيبه والجار قلبه على الجار ...

___ وين كنا و وين صرنا ___

الوزير السابق (( بدر الحميدي )) انسان مثقف.. واعي.. فاهم.. يعجبني تفكيره دائما ...

قبل فتره استضافوه في برنامج تو الليل على قناة الوطن وقال : ((اللي ما لحق على ايام الستينات والسبعينات .. ما شاف الكويت .. ماشاف طيبتها وخيرها والوفى اللي فيها .. حتى جوها وبرها وبحرها كان غير .. ))

الكلام هذا خلاني اشوف الوضع اللي عايشين فيه .. وشلون الناس تغيرت .. وتفكيرهم تغير ... والصراحه ضااق خلقي ...

قبل الجار كان سند للجار .. ويخاف على جاره اكثر من بيته .. كانوا الجار قلبه على الجار .. اذا شاف ولد جاره مسوي غلط يحووكه هذاااك الراااشدي يخليه يتوب ومايعيدها والولد اذا راح بجى عند ابوه وقال بوفلان طقني يكمل عليه الوالد ويقول زين يسوي فيك .. لان كان واثق ومتأكد ان ما طقه عبث وان ولده اكيد مسوي شي غلط .. والجار كان لما يشوف بيت جاره مبطل يصد ويسكر الباب .. واحد داش الفريج يفتر مره ثنتين الثالثه يوقفونه ويقولون له نعم اخوي مضيع تبينا ندليك .. امرنا .. ويساعدونه .. واذا كان مغازلجي يفركون ويه بالقاع .. ويخلونا يتوب يغازل مره ثانيه .. الديوانيات مفتوحه .. فلان يعرف فلان .. فلان يسأل عن فلان .. يساعدون بعض .. يعزمون بعض ... يعني الفريج مثل ماتقولون بيت كبير .. والكل اهل واخوان ....

الحين اول من يطل في بيتك جارك واول من تخاف منه جارك ... ومحد يعرف الثاني ... يعني اذا كنت تعرف الجار الاول الثاني ماتدري اهوه منو .. واحد داش يغازل بفريجكم وجارك واقف ويشوفه حتى مايقوله شعندك اهني .. يخليه ويسكت ولا كأنه شاف شي ... يعني صارت السالفه اللهم نفسي ... ومحد له شغل بالثاني ...

قبل الواحد كان مرتاح واللي عنده يكفيه وزياده .. الحييين الشباب والله العظيم حالهم مايسر .. يقوم الشاب اللطيف ويتوضف وعلى طول يسحب هذاك القرض اللي يكسر الظهر ويشتريله هذاك الموتر .. ويقعد يتمشى فيه ..والمشكله ان ولد الفقر مبين وهذا شوف عيني واحد كاشخ بهذيج السياره اللي اسكت ماكو احلى منها ومسوي هذاك السشوار اللي شعره صاير بني و واقف جنه اسد .. ويدش المحطه ويعبي بــ750 فلس .... وبعدين يدعم على السياره او انه يبيعها ومحد يشتريها وتطيح بجبده واخرتها يوصل للزواج ........ يروح ياخذ هذاك القرض اللي يقعد يدفع فيه ليما يزوج عياله .. عشان يسدد القروض اللي عليه ويجهز نفسه للعرس ... وهذا مو كلام فاضي او اني قاعد أألف هذا كلام صحيح واعرف ناس شكثر من النوع هذا .. والحين متحسفين قد شعر راسهم ...

القناعه راحت .. بدت تختفي مع الوقت .. الطيبه ماقامت تبين بين الناس ... محد قام يخاف على الثاني .. كل واحد ماله خص الا بنفسه ... حتى الوطنيه بدت تتلاشا ...

قبل لا صار شي .. لا قالت الديره يا عيالي ... قلنا لبيه .......... الحين لا قالت يا عيالي ... قلنا يامعود خلها على الله .....

ويين كنا و وين صرنا ؟؟؟؟؟؟!!!!!

هذا سؤال مهم ولازم نعرف حله .. ومن العيب نتجاهله ...

شنو الاسباب اللي خلتنا نوصل للوضع هذا .. شنو الحلول اللي نقدر نسويها ...

ملاحظه : انا صحيح اني عممت بالموضوع .. ما اقصد ان الكل جذي .. اقصد اني اسلط الضوء على هالتغيير المفاجئ اللي حدث لأغلبيه الناس ... لاني والله حيل متكدر من الوضع هذا ...

بدون تعليق!!

لووووووول حدا ;p

انزين شسمة .. ترى مو بس الشباب حتى بنات @-@
عشان لا تزفوني و تقولون ليش ما قلتي عن البنات Razz

ههههههههههههههههههههههه

حمدي ربج عاد توني بقول بس شفت ردج هديت لوووووووول

يسلمووووووووو على الموضوع مبدعه الصراحه

بغيت انزل عليج دس

(يعني واحد مندمج) lol!

المهم يسلموووووو عالموضوووع ويعطيج الف الف الف الف الف الف الف الف الف الف الف الف مليون

خخخخخخخخخخخخخخخخخخخخخخخخخخخخخ لوووووووووووووووووووول صج مثل ما قال ديجي قولد حمدي ربج شفت ردج وهديت

المهم مشكووووره وايد على الموضوع الحلو (كثري)

اول شي يعطييج العافيه عالموضووع

شنو الاسباب اللي خلتنا نوصل للوضع هذا .. طبعا الاسباب اهيا قلوب الناس تغيرت تقدرين تقولين انه جيل ورا جيل والدنيا تخترب اكثر

شنو الحلول اللي نقدر نسويها ... الحلول اللي احنا نقدر نسويها نعدل من وضعنا شوي ونهتم اكثر بالديره واتمنى هالكلام يصير اللهم آمين

يعطيج العافيه مرة ثانية عالموضوع الرووعه الصراحه

بغيت انزل عليج دس

(يعني واحد مندمج) lol!

المهم يسلموووووو عالموضوووع ويعطيج الف الف الف الف الف الف الف الف الف الف الف الف مليون
صدقت الي قلتها

يسلموا على موضوعج الحلو كثري
(القناعه كنز لايفنى)
صدق من قال
لووووووووووووووول
مشكورييين

مشششكووووره عالموضوع الصراحه كلامج كله صح Very Happy

والمششكله بالشباب ...؟

اهم مخربين الدييره << تبي تنطق غصب طيب ههههههههههههه Razz

لأأ أتغشمر < خافت :$

الحين صار الشباب والله البلاوي كلها منكم يلــ بنات

يعطييج العافيه شــ[ـبأأب حيلكم بالبنات لوووول

ماطلبت شي سبكس